Proyectos de cooperación

O presente convenio permitirá desenvolver o programa de contidos que se resume de seguido: 1.- Acollida e acompañamento para a promoción e desenvolvemento integral de persoas en risco de exclusión (acollida, información e orientación, acompañamento en procesos de formación para o emprego e para a inserción sociolaboral, intermediación con outros recursos, participación e integración social, coordinación técnica cos SS.SS do Concello). 2.- Atención básica a persoas con escasos recursos: axudas directas de carácter económico para a cobertura de necesidades básicas e de promoción persoal e familiar. As actuacións conveniadas desenvolveranse no termo municipal de Narón, no local que a entidade dispoña para a atención deste colectivo, agás aquelas que polas súas características deban ser realizadas en dispositivos da entidade na comarca. Ademais, procurarase realizar reunións técnicas de seguimento, das familias atendidas en común, entre o persoal técnico do Concello de Narón e o das diferentes Cáritas Parroquiais en Narón. A entidade se compromete tamén a colaborar co Concello de Narón en eventos conmemorativos organizados polo Concello e relacionados coa temática deste convenio.